قصيدة بنت رفيعة مستوى

يا بن علي راعي الهوى
جرحه على وقته يزيد!
لويت حظي و التواء
حسبي على الحظ العنيد؟
مافاد بي طب ودواء
والطب فيني مايفيد
والذيب لامنه عوى
يقنب بصوتاً من بعيد
بنت رفيعة مستوى
تملك عقارات ورصيد
ما تستمع للي غوى
متميزه بعقلن رشيد
فيها الحلا ومنها ارتواء
متوصفه عنق وجيد
كنه جبينه لاضوى
بدراً يضوي كل بيد
في عينها جيش وقوى
تضرب بقلباً من حديد
لا من تبسم لي نوى
ذبحي من ظبي الفريد
ما شفتها في أهل الهوى
متفرده عن كل غيد
هي مهرة ما تنقوى
في هجرها وش تستفيد
غلاها في القلب احتوى
مابين شريان ووريد
اما نعيش عيشة سواء
والا بتم انعي وحيد
في أبو ظبي قلبي انكوى
وغنيت له طرق القصيد
يا مسندي مالك لواء
الحب يبقى ما يبيد
أرسلت لك بالمحتوى
قصة غرامي في البريد